पोलादपूर (बातमीदार) : विधानसभा निवडणुकीची चाहूल लागली असून, सर्वच पक्ष जोरदार कामाला लागले आहेत. काही दिवसांपासून पोलादपुरात भाजपमध्ये जोरदार इनकमिंग सुरू आहे. पोलादपूर तालुक्‍यातील पितळवाडी व नानेघोळ येथील अनेक नागरिकांनी भाजपमध्ये जाहीर प्रवेश केला.

नानेघोळ येथील नैना तुडीलकर, शत्रूघ्न तुडीलकर यांसह अनेक आदिवासींनी भाजपमध्ये प्रवेश केला. पितळवाडी येथील कृष्णा कळंबे, लक्ष्मण कळंबे, मारुती कळंबे, राधिका आगोंडे, सुरेखा पंडित यांसह अनेकांनी जाहीर प्रवेश केला. या वेळी भाजप रायगड जिल्हा सरचिटणीस बिपीन दादा म्हामुणकर, राज्य परिषद सदस्य मनोज भागवत, तुकाराम केसरकर, तालुका सरचिटणीस समीर सुतार, संदीप ठोंबरे, गणेश गोळे, महेश निकम, युवा मोर्चा पोलादपूर शहराध्यक्ष जयेश जगताप, भाजप शहर उपाध्यक्ष परेश साबळे आदी उपस्थित होते.