मुंबई : राष्ट्रवादी काँग्रेसचे ज्येष्ठ नेते छगन भुजबळ यांची लवकरच घरवापसी होणार असल्याच्या बातम्या प्रसिद्ध झाल्यावर काही शिवसैनिकांच्या भावना दुखावल्या गेल्या.

रविंद्र तिवारी या शिवसैनिकाने मुंबईत तसे होर्डिंग अनेक ठिकाणी लावलेत. अगदी मातोश्री कलानगर, शिवसेना भवन, वरळी सी लिंक, घाटकोपर, विक्रोळी परीसरात हे होर्डिंग लावण्यात आलेत.

छगन भुजबळांना पुन्हा शिवसेनेत प्रवेश नको. शिवसेनाप्रमुख बाळासाहेब ठाकरे यांना भुजबळांनी जो त्रास दिला ते शिवसैनिक अजूनही विसरलेले नाहीत. अशा मजकूराचे हे होर्डिंग लावण्यात आलेत. त्यामुळे भूजबळ जर शिवसेनेत परत आले तर त्यांना शिवसैनिकांच्या नाराजीचा सामना करावा लागणार हे स्पष्ट आहे.