ठाणे : महिनाभरापूर्वी भिवंडीतील अल्पवयीन मुलीवर अत्याचार करून तिची दगडाने ठेचून हत्या करणाऱ्या नराधमाविरोधात ठाणे जिल्हा न्यायालयाच्या विशेष पोस्को न्यायालयात दोषारोपपत्र दाखल झाले होते.
या खटल्याची जलदगती सुनावणी आता २४ जानेवारीपासून होणार आहे, अशी माहिती सरकारी वकील संजय मोरे यांनी दिली. एक महिन्यात सुनावणी सुरू होणारी संपूर्ण राज्यातील ही पहिलीच घटना असल्याचे बोलले जात आहे.
भिवंडीतील भोईवाडा पोलिस ठाणे क्षेत्रात २२ डिसेंबर २०१९ रोजी ही धक्कादायक घटना घडली होती. भरतकुमार धनीराम कोरी (३०) या नराधमाने सात वर्षीय मुलीला आईस्क्रीमचे प्रलोभन दाखवून अपहरण केले होते. त्यानंतर पीडित मुलीवर पाशवी अत्याचार करून पुरावे नष्ट करण्याच्या हेतूने तिची दगडाने हत्या करण्यात आली होती.
याप्रकरणी जलद तपास करून, पोलिसांनी १५ दिवसांतच ६ जानेवारी रोजी आरोपीवर दोषारोपपत्र न्यायालयात दाखल केले होते. पोस्को न्यायालयाचे विशेष न्यायाधीश के. डी. शिरभाते यांच्या न्यायालयात नराधम कोरी याच्यावर आरोप निश्‍चित केला गेला आहे. तसेच या प्रकरणाची सुनावणी २४ जानेवारीपासून सुरू होणार आहे.
web title : Justice for bhiwandis Nirbhaya
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.