Kalyan Dombivili News: नवरा शारीरीक सुख देत नसल्याच्या वादातून एका 32 वर्षीय पत्नीने पोलिस ठाण्यात धाव घेत नवऱ्याच्या विरोधात तक्रार दाखल केल्याची खळबळजनक घटना कल्याण परिसरात उघडकीस आली आहे. याप्रकरणी खडकपाडा पोलिस ठाण्यात 40 वर्षीय पती नपुसंक असल्याची तक्रार दाखल करण्यात आली आहे.

विशेष बाब म्हणजे लग्नापूर्वी बायकोला शारीरीक सूख देऊ शकत नाही हे माहिती असूनही नवऱ्याचे ही माहिती आपणास लग्नापूर्वी दिली नाही. लग्न करुन आपणास शारीरीक सुखापासून वंचित ठेवले असे तक्रारीत पत्नीने नमूद केले आहे.

पोलिसांनी दिलेल्या माहितीनुसार 32 वर्षीय तक्रारदार महिला ठाणे जिल्ह्यातील शहापूर तालुक्यातील एका दुर्गम असलेल्या गावात कुटूंबासह राहणारी आहे. तिचे लग्न नातेवाईकांच्या ओळखीतून कल्याण पश्चिम मधील शहाड येथील एका 40 वर्षाच्या तरूणाबरोबर गेल्या वर्षी जून मध्ये झाले. लग्नापूर्वी विवाहितेच्या नातेवाईकांनी तुम्ही विवाहासाठी ४० वर्ष होऊन सुध्दा का थांबले असे विचारले त्यावेळी नवऱ्याने आपण सरकारी नोकरी मिळवण्याच्या प्रयत्नात होतो. म्हणून आपणास विवाहास विलंब झाला, असे कारण दिले होते. (Latest Marathi News)

तसेच तक्रारदार बायकोने नवरा शिकलेला आहे. म्हणून त्याला पसंत केले होते. विशेष म्हणजे या दोघांचे लग्न मोठ्या थाटामाटात नाशिक जवळील इगतपुरी भागात पार पडले. मात्र लग्नानंतर नवरा विक्षिप्तपणे वागत असल्याचे तक्रारदार बायकोला आढळले. तिने नवऱ्याला भावनिक नात्याद्दल समजून सांगितले. परंतु नवऱ्यामध्ये काही दोष आहेत हे तक्रारदार बायकोला निदर्शनास आले. ती सुरुवातीला अस्वस्थ होती. या अस्वस्थेतमधून ती शहापूर तालुक्यातील माहेरी निघून गेली.

दरम्यान, नवरा आणि सासरच्या मंडळींच्या आग्रहामुळे ती परत माहेरी आली. तिला नवऱ्या मधील भावनिक दोष प्रकर्षाने दिसून आले. घरात असताना नवऱ्याच्या पिशवीत तो डॉक्टरांकडून काही औषधे घेत असल्याचे आढळले. तिने गुपचूप संबंधित डॉक्टरकडे जाऊन विचारणा केली. त्यावेळी डॉक्टरने नवऱ्या मध्ये काही भावनिक दोष आहेत. (Latest Marathi News)

त्यासाठी ते हे औषधे घेत असल्याचे सांगितले. यामुळे नवऱ्या कडून आपणास कधीही शरीरसुख मिळणार नाही याची खात्री पटल्यावर नवरा नपुसंक आहे हे माहिती असुनही आपला विश्वासघात आणि फसवणूक केल्याची तक्रार खडकपाडा पोलीस ठाण्यात बायकोने केली आहे.