मुंबई -  कांजुरमार्गमधील मेट्रो कारशेडचे काम थांबविण्याचे आदेश मुंबई उच्च न्यायालयाने आज एमएमआरडीएला दिले असून जैसे थे परिस्थिती ठेवण्याचे आदेश दिले. त्यामुळे मेट्रो कारशेड प्रकल्पाला तूर्तास खीळ बसला आहे. विरोधीपक्षनेते देवेंद्र फडणवीस यांनी ठाकरे सरकारवर घणाघाती टीका केली आहे. 

कांजूरमार्ग मेट्रो कारशेडला खीळ; कामकाज तात्काळ थांबवा, हायकोर्टचा आदेश

देवेंद्र फडणवीस यांनी राज्य विधिमंडळाच्या हिवाळी अधिवेशनातही कांजूरमार्ग कारशेड चा निर्णय अयोग्य असल्याचे म्हटले होते. आज न्यायालयाने एमएमआरडीएला काम थांबवण्याचे आदेश दिल्यानंतर फडणवीस यांनी ठाकरे सरकारला चांगलेच धारेवर धरले आहे. ' राज्य सरकारने एमएमआरडीएला कांजूरमार्गची जागा देण्याच निर्णय चुकीचा आहे. सरकारने तयार केलेल्या सौनिक समितीच्या अहवालातही नमूद करण्यात आले होते की,  फक्त अहंकारामुळे एमएमआरडीएला जागा देण्याचा आदेश काढण्यात आला. संबधित जागा कालही विवादात होती, आजही आहे. आता तर खुद उच्च न्यायालयाने तेथील काम थांबवण्यास सांगितले आहे. त्यामुळे पुढे या ठिकाणी काम होऊ शकत नाही.  '

मुंबई परिसरातील बातम्या वाचण्यासाठी येथे क्लिक करा

' जरी ती जागा विवादीत नसली तरी, सौनिक समितीच्या अहवालानुसार त्या जागी मेट्रो कारशेड उभाऱण्यास 4 ते 5 वर्षाचा विलंब होऊ शकतो. आरेतील जागेला सर्वोच्च न्यायालयानेही मंजूरी दिली आहे. आरेतील मेट्रो कारशेड हे हरित पॅटर्नवर आधारीत असल्याने त्याठिकाणी पर्यावरणाची हानी होत नाही.  ठाकरे सरकार आपल्या अहंकारामुळे मुंबईकरांना मेट्रोपासून वंचित ठेवण्याचे काम करीत आहे. त्यामुळे सरकारने अहंकार सोडावा. सर्वोच्च न्यायालयाने आरेच्या जागेला मान्यता दिली आहे. मेट्रो मुंबईकरांच्या सेवेत लवकरात लवकर आणायची असेल तर, आरेत ग्रीन कारशेड उभारावे ही आमची मागणी आहे ' . अशी प्रतिक्रिया देवेंद्र फडणवीसांनी मांडले आहे.