मुंबई - चित्रपट दिग्दर्शक विवेक अग्निहोत्री यांनी पश्चिम बंगालच्या मुख्यमंत्री ममता बॅनर्जी यांना कायदेशीर नोटीस पाठवली आहे. 'दी काश्मीर फाईल्स' या त्यांच्या चित्रपटाची बदनामी केल्याबद्दल ही नोटीस पाठवली असल्याची माहिती अग्निहोत्री यांनी दिली.

ममता बॅनर्जी यांनी सोमवारी 'दी केरला स्टोरी' या चित्रपटाच्या प्रदर्शनावर बंदी घालण्याचा निर्णय घेतला आहे. काश्मीर फाईल्स सारखे चित्रपट समाजातील एका वर्गाची निंदानालस्ती करतात, हे सर्व चित्रपट तयार करण्यासाठी भाजपने पैसा दिल्याची टिका बॅनर्जी यांनी केली होती.

हे लोकांचे आता 'बंगाल फाईल्स' या चित्रपटावर काम सुरु आहे. असेही त्या म्हणाल्या. यावरुन ही कायदेशीर नोटीस बजावल्याचे अग्निहोत्री यांनी सांगीतले. ट्विटर हँडलवर याची कॉपी देखील पोस्ट केली आहे.