मुंबई - काँग्रेसमधून शिवसेनेत दाखल झालेल्या प्रियांका चतुर्वेदी यांना पुढील वर्षी राज्यसभेत पाठवण्यात येणार असल्याचे खात्रीलायक वृत्त आहे.
काँग्रेसच्या राष्ट्रीय प्रवक्त्या प्रियांका चतुर्वेदी यांनी आज शिवसेनेत प्रवेश केला. गेल्या काही दिवसांपासून त्या नाराज होत्या. लोकसभा निवडणूक लढवण्याची त्यांची इच्छा होती, मात्र काँग्रेसकडून त्यांची निराशा झाली. त्यामुळे काही दिवसापांसून त्या नव्या राजकीय पर्यायाच्या शोधात होत्या. काँग्रेसचे राष्ट्रीय स्तरावरील त्या काम करत असल्याने आणि मूळ मुंबईतील असल्याने त्यांचे संजय राऊत यांच्यासोबत चांगले संबंध होते. प्रियांका यांचे मूळ गाव उत्तर प्रदेशातील मथुरा असून तेथेही त्यांना मानणारा मोठा वर्ग आहे. शिवसेनेलाही आपले पंख अन्य राज्यात पसरावयाचे असल्याने उत्तर प्रदेश विधानसभा निवडणुकीत शिवसेनेने उमेदवार उभे केले होते. त्यामुळे प्रियांकाच्या माध्यमातून उत्तरेत शिवसेना पोहोचविण्यास मदत होणार आहे. या पार्शवभूमीवर शिवसेनेत त्यांना आणण्यात संजय राऊत यांचा मोलाचा वाटा असल्याचे समजते.
प्रियांका चतुर्वेदी यांच्याकडे मोठी जबाबदारी सोपविण्यात येईल, असे सूतोवाच उद्धव ठाकरे यांनी आज केले आहे. त्यामुळे त्यांना राज्यसभेवर पाठविण्यात येणार असल्याचे समजते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.