Mumbai News: नरेंद्र मोदी २०२४ मध्ये पुन्हा पंतप्रधान होणार आहेत,असे सांगून राज ठाकरे यांनी शिवाजी पार्क येथील आपल्या भाषणात महाराष्ट्रासाठी काही अपेक्षा व्यक्त केल्या.
मात्र,नरेंद्र मोदी यांनी भाषणात बुलेट ट्रेन वगळता राज ठाकरे यांच्या मागण्यांची दखल घेतली नाही. मनसे कार्यकर्त्यांसोबत सामान्य माणसात याची चर्चा रंगली होती.
राज ठाकरे आणि पंतप्रधान नरेंद्र मोदी हे पहिल्यांदा एकाच मंचावर आले होते.शिवाजी पार्कची सभा यशस्वी होण्यासाठी भाजपसोबत मनसैनिक राबत होते.
सभेपूर्वी मुख्यमंत्री एकनाथ शिंदे, उपमुख्यमंत्री देवेंद्र फडणवीस दोघेही राज ठाकरे यांच्या घरी गेले होते. सभा सुरू झाल्यावर राज ठाकरे यांनी राज्यासाठी नरेंद्र मोदी यांच्याकडे साकडे घातले.
दोन्ही पक्षांतील समन्वय बघता हे पूर्वनियोजीत असेल आणि मोदी या मागण्यांवर उत्तर देतील, असे बहुतांश कार्यकर्ते आणि सामान्य नागरिकांना वाटले.
मात्र पंतप्रधानांनी मुंबईचे २०४७ व्हिजन घेऊन आल्याचे सांगतिले. मात्र ठाकरे यांच्या मागण्यांवर काही भाष्य केले नाही. महत्त्वाचे म्हणजे या मागण्या नेहमीच्या आणि मुंबई, कोकणासाठी महत्त्वाच्या आहेत.
- मराठी भाषेला अभिजात भाषेचा दर्जा.
- मराठा साम्राज्य इतिहास देशातल्या प्रत्येक शालेय अभ्यासक्रमात समाविष्ट करावा.
- शिवछत्रपतींचे गडकिल्ले. या किल्ल्यांचे जतन करण्यासाठी केंद्र सरकारने विशेष समिती नेमून लक्ष द्यावे.
- मुंबई-गोवा महामार्ग पूर्ण करून घ्यावा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.