मुंबई : राज्यात आज दिवसभरात 6,753 नवीन रुग्णांची (New Corona Patient) नोंद झाली. त्यामुळे करोनाबाधित (Corona infected) रुग्णांची एकूण संख्या 62,51,810 झाली आहे. राज्यात सक्रिय रुग्णांची संख्या कमी होऊन 94,769 इतकी आहे. ( Maharashtra todays corona update-nss91)

आज राज्यात 167 कोविड बाधित रुग्ण दगावले. मृतांचा एकूण आकडा 1,31,205 वर पोहोचला आहे.आज ही कोल्हापुरात मंडळात सर्वाधिक 43 मृत्यूची नोंद झाली. तर ठाणे 40, पुणे 36,औरंगाबाद 2,नाशिक 18,नागपूर 15,अकोला 9 व लातूर मंडळ 4 मृत्यू नोंदवले गेले. राज्यातील मृत्यूदर 2.09 % इतका आहे. आज दिवसभरात 5,979 रुग्ण बरे होऊन घरी गेले. कोरोनातून बरे होणाऱ्या रुग्णांची संख्या 60,22,485 इतकी आहे. यामुळे राज्यातील रुग्ण बरे होण्याचे प्रमाण  96.33 % एवढे झाले आहे. आजपर्यंत तपासण्यात आलेल्या 4,64,46,360 प्रयोगशाळा नमुन्यांपैकी 62,51,810 (13.46 %) नमुने पॉझिटिव्ह आले आहेत. सध्या राज्यात 5,52,702 व्यक्ती होमक्वारंटाईनमध्ये आहेत तर 3,653 व्यक्ती संस्थात्मक क्वारंटाईनमध्ये आहेत.