मुंबई: पर्यावरण विभागाच्या प्रधान सचिव म्हणून मनीषा म्हैसकर यांनी आज पदभार स्वीकारला.  मनीषा म्हैसकर या 1992 साली भारतीय प्रशासकीय सेवेत रुजू झाल्या होत्या. त्यानंतर त्यांनी विविध विभागात कामकाज केले असून राज्याच्या माहिती जनसंपर्क महासंचालनालयाच्या महासंचालक म्हणुनही आपल्या कामाचा वेगळा ठसा उमटवला आहे.

मोठी बातमी : राममंदिर भूमिपूजन कार्यक्रमावर शिवसेना आणि राष्ट्रवादीत जुंपली, बड्या नेत्यांमध्ये खडाजंगी

नगर विकास विभागाच्या प्रधान सचिव म्हणून काम करत असताना गेल्या पाच वर्षात म्हैसकर यांनी महत्वाचे निर्णय घेतले. म्हैसकर यांचा मुंबई महापालिकेत साडेचार वर्षे आरोग्य विभागाच्या अतिरिक्त आयुक्त म्हणून कामाचा अनुभव लक्षात घेऊन मुंबई शहरातील  कोव्हिड 19 च्या वाढत्या रुग्णसंख्येवर  नियंत्रण मिळविण्यासाठी नेमलेल्या टास्क फोर्समध्ये त्यांची नियुक्ती करण्यात आली होती. मनीषा म्हैसकर यांनी पर्यावरण विभागाच्या प्रधान सचिव म्हणून सुत्रे हातात घेतल्यानंतर पर्यावरण रक्षणात शासकिय उपाययोजना, व्यापक जनजागृती आणि सर्वसामान्यांच्या सहभागासह कामकाज अधिक गतीमान करण्यावर भर दिला जाईल, असे सांगितले आहे.

--------------------------------------------------

Edited by Tushar Sonawane