मुंबई :  कुख्यात मटकाकिंग रतन खत्री (वय 88) याचे शनिवारी मुंबईत निधन झाले. गेल्या बऱ्याच दिवसांपासून तो आजारी होता. ज्यावेळी मुंबईत गँगवॉर शिगेला पोहोचला होता, त्यावेळी त्याने सर्वांशी संबंध प्रस्थापित करत मटका व्यवसायाचा जम बसवला होता.

मोठी बातमी ः अरे बापरे..! चीनला गेलेल्या एअर इंडियाच्या पाच पायलटना कोरोना

मुंबई सेंट्रल येथील नवजीवन सोसायटीत आपल्या कुटुंबासमवेत राहणारा रतन खत्री 1960 च्या दशकात आपले बस्तान बसवण्यासाठी तो कल्याण भगत यांच्याकडे काम करत होता. स्वातंत्र्यपूर्व काळापासून मटका मुंबईत लोकप्रिय होता. त्यावेळी न्यूयॉर्क कॉटन एक्सचेंजमधून कापसाचे दर उघडणे व बंद करणे यावर पैज लावली जात. 1964 मध्ये खत्री भगतपासून वेगळे झाला आणि त्याने स्वत: चा 'रतन मटका' सुरु केला. त्याचे नेटवर्क अगदी ठाण्यापर्यंत पसरले होते.

मोठी बातमी ः अंतिम वर्षांच्याही परिक्षा रद्द करा; सरकारच्या निर्णयामुळे विद्यार्थी नाराज 

राज्य सरकारला समांतर व्यवस्था 
राज्य सरकारच्या लॉटरीप्रमाणे एक समांतर लॉटरी व्यवस्था त्यावेळी चालायची. कामगार वर्गापासून अगदी उच्चभ्रू लोकांनाही त्या काळात या मटक्याने वेड लावले होते. अनेकांचे संसार उद्वस्त झाले होते. त्या काळात प्रत्येक मटका किंगच्या मागे कोणा गँगस्टरचा वरहस्त असायचा. मात्र खत्रीने सर्वांशी सलोखाचे संबंध ठेवले होता.