मुंबई - वाढीव वीज बिलाच्या मुद्यावर आक्रमक झालेल्या महाराष्ट्र नवनिर्माण सेनेने राज्यभर आज धडक मोर्चाचे आयोजन केले आहे. आज मुंबईत वांद्रे येथील उपनगर जिल्हाधिकारी कार्यालयावर मोर्चा सुरू झाला आहे. मोर्चाचे नेतृत्व बाळा नांदगावकर करीत आहेत. यावेळी त्यांनी मोर्चाला पोलिस सहकार्य करतील असा विश्वास दाखवला आहे.

हेही वाचा - वर्षपूर्तीनिमित्त मुख्यमंत्र्यांची मुलाखत, संजय राऊतांकडून धडाकेबाज प्रोमो शेअर

वाढीव वीजबिलांच्या मुद्यावरून राज्यभर मनसे तर्फे आंदोलन केले जात आहे. मनसेचे सर्व नेते सोबत आहे. मुंबईतही आंदोलन सुरू झाले असून, डॉ.बाबासाहेब आंबेडकर गार्डन येथील जिल्हाधिकारी कार्यालयाकडे मनसैनिकांनी कूच सुरू केली आहे. सरकारचे आदेश काहीही असले तरी, पोलिस आम्हाला सहकार्य करणार असल्याचा विश्वास बाळा नांदगावकर यांनी व्यक्त केला. 

हेही वाचा - १२ तासांच्या चौकशीनंतर प्रताप सरनाईक यांचे निकटवर्तीय अमित चांदोळेंना ईडीकडून अटक

कोव्हिड संसर्गाच्या पार्श्वभूमीवर शक्य तेवढ्या खबरदारी घेऊन हा मोर्चा सुरू झाला आहे. मोर्चाचे नेतृत्व सर्वसामान्य जनातच करीत आहेत. मनसैनिक पोलिसांना सहकार्य करा. मोर्चा शांततेच पार पडावा असे आदेश मनसे अध्यक्ष राज ठाकरे यांनी दिले आहेत. राज्य सरकारला या मोर्चानंतरही जाग आली नाही तर त्यांना काय इशार द्यायचा हा निर्णय राज ठाकरे घेतील असे बाळा नांदगावकर यांनी म्हटले आहे.

MNSs grand march begins in Mumbai

--------------------------------------------------