मुंबई : मुंबईत बाधित कोरोना रुग्णांचा (corona) आकडा बुधवरच्या तुलनेत कमी झाला असून आज दिवसभरात कोरोनाच्या 458 नवीन रुग्णांची (corona new patients) नोंद झाली. कोरोना बाधित रुग्णांची एकूण संख्या 7,42,996 वर पोहोचली आहे. तर 414 रुग्णांनी कोरोनावर मात केल्याने आतापर्यंत 7,19,632 रुग्ण कोरोनामुक्त (corona free patients) झाले आहेत.

आज 7 कोविड मृत्यूची नोंद झाली झाली. मृतांचा एकूण आकडा 16,110 वर पोहोचला आहे.बरे झालेल्या रूग्णांचा दर 97 टक्के असून कोविड वाढीचा दर 0.06 टक्के आहे. मुंबईतील रूग्ण दुपटीचा कालावधी कमी होऊन 1151 दिवस झाला.आज दिवसभरात 39,594 कोविड चाचण्या झाल्या असून आतापर्यंत 1,03,52,983 एवढ्या चाचण्या झाल्या आहेत. मुंबईत सध्या 4761 सक्रिय रुग्ण आहेत.