मुंबई : मुंबई आंतरराष्ट्रीय विमानतळावर (Mumbai international airport) 861 आंतरराष्ट्रीय प्रवाशांची (international travelers) आरटी-पीसीआर तपासणी (RTPCR Test) करण्यात आली. त्यापैकी 3 जण आरटी-पीसीआर पॉझिटिव्ह (three people positive) आले आहेत. या तिघांचेही नमुने जनुकीय तपासणीसाठी (Genome sequencing) पाठविण्यात आले आहेत. राज्यात एकूण कोरोना बाधित प्रवासी संख्या 9 झाली आहे

राज्यात 1 नोव्हेंबरपासून आलेल्या आंतरराष्ट्रीय प्रवाशांचे क्षेत्रिय पातळीवर सर्वेक्षण सुरु असून विमानतळ आणि क्षेत्रिय अशा दोन्ही सर्वेक्षणातून आतापर्यंत एकूण 28 नमुने जनुकीय तपासणीसाठी पाठविण्यात आले आहेत. यापैकी 12 नमुने एनआयव्ही पुणे येथे तर 16 नमुने कस्तुरबा रुग्णालय प्रयोगशाळा येथे तपासण्यासाठी पाठविण्यात आले आहेत. या एकूण 28 जणांपैकी 25 जण आंतरराष्ट्रीय प्रवासी आहेत तर 3 जण त्यांचे निकटसहवासित आहेत.

जनुकीय तपासणीसाठी पाठवण्यात आलेल्या नमुन्यांचे निकाल रविवारी येण्याची शक्यता असल्याचे महागरपालिकेचे अतिरिक्त आयुक्त सुरेश काकाणी यांनी सांगितले. त्यानंतर या रुग्णांना ओमायक्रॉन विषाणूची बाधा झाली किंवा नाही हे स्पष्ट होणार आहे. सध्या ओमायक्रॉन बाधित रुग्ण सापडला नसून चाचण्यांवर भर देण्यात आला आहे असे ही काकाणी पुढे म्हणाले.