मुंबई : आजाराने अंथरुणाला खिळलेल्या पत्नीची शनिवारी रात्री झोपेत हत्येचा प्रयत्न केल्याप्रकरणी एका 79 वर्षीय वृध्द पतीवर गुन्हा दाखल करून अटक करण्यात आली आहे. विष्णुकांत बलूर असे आरोपीचे नाव असून ते कांदिवलीचा रहिवासी आहे.

76 वर्षीय पत्नी शकुंतला बलुर बऱ्याच काळ आजाराने ग्रस्त होत्या. त्यांची सतत काळजी घेण्यामुळे आरोपी पतीने पत्नीला मारण्याचा प्रयत्न केल्याची माहिती आहे. , आरोपी स्वत: चार दशकांपासून मधुमेहाचा रुग्ण आहे.

25 ऑगस्टला सकाळी मोलकरीण जोडप्याच्या घरी आली असता तिला रक्ताच्या थारोळ्यात पडलेली महिला दिसली, तर त्या उलट पती विष्णुकांत शांतपणे खुर्चीवर बसला होता. या घटनेमुळे घाबरून मोलकरणीने याची माहिती शेजाऱ्यांना दिली.

त्यानंतर पोलिसाना या घटनेची माहिती देण्यात आली. या घटनेनंतर आरोपी पतीने स्वतःच्या गळ्याला वार करून आत्महत्या करण्याचा प्रयत्न केल्याची माहिती आहे. मात्र आत्महत्येच्या प्रयत्नात आरोपी पती यशस्वी होऊ शकला नाही.