मुंबई - छत्रपती शिवाजी महाराज आंतरराष्ट्रीय विमानतळावर एरोड्रोम रेस्क्यू अँड फायर फायटिंग सर्व्हिसेस (एआरएफएफ ) विमानतळावरील प्रवासी आणि कर्मचारी यांच्या हितासाठी आणि सुरक्षेसाठी अग्निशमन सेवा सप्ताह आयोजित करण्यात आला होता.

यावेळी अग्नशिम दलाने तंत्रज्ञानाचे प्रात्यक्षिक केले. याशिवाय १९४४ साली मुंबई येथे झालेल्या गोदी स्फोटात कर्तव्य बजावताना प्राण गमावलेल्या त्या शूर अग्निशमन जवाना श्रद्धांजली देण्यात आली.

१९४४ साली मुंबई येथे झालेल्या गोदी स्फोटात कर्तव्य बजावताना प्राण गमावलेल्या त्या शूर अग्निशमन जवानांच्या स्मरणार्थ आणि त्यांना श्रद्धांजली अर्पण करण्यासाठी दरवर्षी १४ एप्रिल ते २० एप्रिल दरम्यान संपूर्ण भारतात अग्निशमन सेवा सप्ताह पाळला जातो.

मुंबई विमानळाचे एआरएफएफकडून अग्निशमन सेवा सप्ताहादरम्यान सेवा त्यांच्या अत्याधुनिक तंत्रज्ञानाचे प्रात्यक्षिक केले आहे.

एअरसाइड ऑपरेशन्सचा एक भाग म्हणून, एआरएफएफ सेवा विमान अपघात किंवा विमानतळावर किंवा जवळच्या घटनांमध्ये विमानतळावरील रहिवाशांच्या सुरक्षिततेची खात्री करण्यासाठी महत्त्वपूर्ण भूमिका बजावतात. एआरएफएफ सेवेचा प्राथमिक उद्देश कोणत्याही अभूतपूर्व परिस्थितीत जीव वाचवणे आणि दोन मिनिटांच्या प्रतिसाद वेळेसह जीवांचे रक्षण करणे हा आहे.

अग्निशमन सेवा सप्ताहादरम्यान, मुंबई विमातळाच्या एआरएफएफ पथकाने विमानतळावर असलेल्या अनेक अत्याधुनिक तंत्रज्ञानाचे प्रदर्शन केले, ज्यात वाहन चालत असताना आगीशी लढा देऊ शकणार्‍या अद्वितीय वैशिष्ट्यांसह 07 क्रॅश फायर टेंडर्स (सीएफटी ) यांचा समावेश आहे.

सीएफटी 90 मीटरपर्यंत विझवणारे माध्यम फेकू शकते आणि 40 टन वजन असले तरीही 26 सेकंदात 80 किमी प्रतितास वेग वाढवते. सीएसएमआयए हे आशियातील एकमेव विमानतळ आहे ज्यात बचाव जिना आहे जो 8.3 मीटर उंचीपर्यंत पोहोचू शकतो आणि A380 सारख्या मोठ्या विमानाला सर्वात वेगाने बाहेर काढण्यास मदत करू शकतो.

याव्यतिरिक्त, विविध प्रकारच्या आपत्कालीन परिस्थितींचा सामना करण्यासाठी दोन लहान फायर टेंडर, तीन बचाव नौका,

एक फॉरवर्ड कमांड पोस्ट आणि 67 प्रकारची उपकरणे आहेत. प्रत्येक सीएफटीची क्षमता 12000 लिटर पाणी, 1500 लिटर फोम कंपाऊंड आणि 150 किलो कोरडी रासायनिक पावडर आहे.