मुंबई - धावत्या ट्रेनमधून चढत असताना एका तरुणीचा पाय घसरल्यामुळे फलाट आणि रेल्वेच्यामध्ये अडकून फरपटत जात होती. परंतु, रेल्वे जवानाने सतर्कता दाखवत तरुणीला खेचून बाहेर काढले आणि तीचे प्राण वाचवले. ही घटना दादर रेल्वे स्थानकात घडली आहे. जीआरपी कॉंन्स्टेबल पाटील यांनी वेळीच मदत केल्याने तरुणीचे प्राण वाचले आहे.

लोहमार्ग पोलिसांनी दिलेल्या माहितीनुसार, सोमवारी सकाळी १० वाजून २६ मिनिटांचा सुमारास मालाड जलद लोकल दादर स्थानकाच्या फलाट क्रमांक 3 वर आली होती. ही लोकल आपल्या ठरलेल्या वेळेनंतर त्याच्या गंतव्य स्थानकाकडे रवाना होत होती. गाडीचा वेग वाढत असताना महिला प्रवासी कीर्ती वराडकर हिने लोकल ट्रेनच्या महिलांसाठी राखीव असलेल्या मधल्या डब्यात चढण्याचा प्रयत्न केला.

मात्र, लोकलमध्ये चढत असताना तिचा अचानक तोल जाऊन पडून त्या प्लॅटफॉर्मच्या गॅप मध्ये जात असताना बघून कर्तव्यांवर असलेल्या पोलीस कॉन्स्टेबल पाटील यांनी समयसूचकता दाखवून त्या महिला प्रवाशांला ट्रेन जवळून खेचून प्राण वाचविले आहे.