मुंबई : मुंबईतील दादर रेल्वे स्थानकावर सिग्नल यंत्रणेत बिघाड झाल्यामुळे मध्य रेल्वेची वाहतूक विस्कळीत झाली आहे. दादरहून सीएसएमटीकडे जाणाऱ्या गाड्या उशिराने जात असल्याची माहिती आहे. त्याचबरोबर मध्य रेल्वेच्या अनेक एक्सप्रेस थांबल्या असून काही लोकल रद्द कराव्या लागल्या आहेत.

(Mumbai Local Latest Updates)

दरम्यान, दादर ते सीएसएमटी रेल्वे स्थानकादरम्यान हा तांत्रिक बिघाड झाला असून अनेक जणांना याचा त्रास सहन करावा लागत आहे. तर रेल्वेच्या कर्मचाऱ्यांकडून हा बिघाड दुरूस्त करण्याचे काम सुरू आहे. हा तांत्रिक बिघाड लवकर दुरूस्त झाला नाही तर नागरिकांना जास्त त्रास सहन करावा लागू शकतो. त्याचबरोबर मध्य रेल्वेला आपल्या वेळापत्रकात बदल करावे लागू शकतात अशी माहिती आहे.