मुंबादेवी : भेंडी बाजार येथील मुख्य चौकातील लाइम एन्ड स्पाईस कैफे निझारी रेस्टोरंटच्या चिमनीला दुपारी 3 वाजता आग आगल्याने हॉटेलचे अंदाजे 40 ते 50 हजाराचे नुकसान झालेले आहे, असे तेथील कर्मचाऱ्यांनी सांगितले. हॉटेलमध्ये गिऱ्हाइकांची वर्दळ असतानाच आग लागल्याने लोकांची भंबेरी उडाली. त्यांनी तेथून पळ काढला. '

अग्निशमन दलाच्या गाड्या आल्यानंतर आग विझविण्यात आली. लोकांचा बेशिस्तपणा,बघ्यांची गर्दी आणि आग नियंत्रणात आणताना अग्निशमन जवानांना पाहण्यास संथ झालेली वाहनांची रांग यामुळे काही काळ येथे वाहतूक खोळंबा झाला होता. वाहतूक पोलिसांच्या तप्तरते मुळे पुन्हा वाहतूक पूर्ववत सुरू झाली.