डोंबिवली - मनसेचा गुढी पाडवा मेळावा काही तासात पार पडणार आहे. मनसेच्या वर्धापन दिनाच्या कार्यक्रमात राज ठाकरे यांनी पाडवा मेळाव्यात सगळं बाहेर काढणार असल्याचा इशारा दिला होता. यामुळे पाडवा मेळाव्याकडे सर्वांचे लक्ष लागेल आहे. या मेळाव्यासाठी कल्याण डोंबिवली परिसरातून तब्बल 200 बस मुंबईच्या दिशेने रवाना झाल्या.

डोंबिवलीतील नववर्ष स्वागत यात्रेला सकाळी मुख्यमंत्री एकनाथ शिंदे यांची उपस्थिती नागरिकांमध्ये एक वेगळाच उत्साह संचारुन गेली. यानंतर आता मनसेच्या गुढी पाडवा मेळाव्याकडे सर्वांचे लक्ष लागले आहे. आजच मनसेचा गुढी पाडवा मेळावा देखील होणार आहे.

या मेळाव्यात मनसे अध्यक्ष राज ठाकरे मुंबईतील शिवाजी पार्क मैदानावरून भाषण करणार आहेत. या भाषणाकडे सर्वांचे लक्ष लागलेले आहे. दरम्यान या भाषणाबद्दलची उत्सुकचा शिगेला पोहचली असतानाच कल्याण ग्रामीणचे आमदार राजू पाटील यांच्या पुढाकाराने कल्याण डोंबिवली, उल्हासनगर, अंबरनाथ आदी भागातून हजारो मनसैनिक मुंबईला रवाना झाल्या आहेत.