Mumbai News : वर्सोवा येथे काल रात्री मासेमारी करण्यासाठी गेलेली एक बोट अचानक समुद्रात बुडाली असल्याची बातमी समोर येत आहे.संबंधित बोटीत तीन मासेमार होते असे म्हटले जात आहे.ज्यातील एकाने पोहत किनारा गाठला आहे.

अधिक माहिती अशी कि, शनिवारी रात्री तिघेजण वर्सोवा समुद्रात बोट घेऊन मासेमारी करण्यासाठी गेले होते. त्यावेळीअचानक बोट समुद्रात उलटली. रात्री अंदाजे साडेनऊ वाजता हि बोट उलटली असावी असा अंदाज पोलिसांनी व्यक्त केला आहे.

बोट उलटत असतांना त्यात ३ मासेमार होते. ज्यातील १ जण पोहत समुद्राजवळ आला आहे. त्या मासेमाराने हि माहिती पोलिसांना दिली आहे. पोलिसांनी दोघांचा शोध घ्यायला सुरुवात केली आहे.

उस्मानी भंडारी आणि विनोद गोयल अशी बेपत्ता झालेल्या मच्छिमारांची नावे आहेत. लाइफ गार्ड, बीएमसी आणि कोस्ट गार्डचे पथक त्या दोघांचा शोध घेत आहेत. समुद्र किनाऱ्यावर पोलिसांचा मोठा बंदोबस्त ठेवण्यात आला आहे.