मुंबई : जबरदस्तीनं खंडणी वसूल केल्याप्रकरणी गेल्या वर्षी ठाकरे सरकारनं निलंबित केलेले पोलीस उपायुक्त सौरभ त्रिपाठी यांचं निलंबन शिंदे सरकारकडून मागे घेण्यात आलं आहे. मुख्य सचिवांच्या अध्यक्षतेखालील समितीनं हा निर्णय घेतला आहे. गेल्यावर्षी मार्च महिन्यात त्यांच्यावर निलंबनाची कारवाई करण्यात आली होती. (Mumbai Police DCP Saurabh Tripathi suspension revoked Big decision of Chief Secretary committee)
अंगडिया व्यापाऱ्यांकडून खंडणी उकळल्याप्रकरणी आयपीएस अधिकारी आणि मुंबईचे पोलीस उपायुक्त सौरभ त्रिपाठी यांच्यावर गेल्या वर्षी गुन्हा दाखल झाला होता. त्यानंतर त्यांच्या निलंबनासाठी राज्याच्या गृहविभागानं तत्कालीन मुख्यमंत्री उद्धव ठाकरे यांच्याकडं प्रस्ताव पाठवला होता. या प्रस्तावावर सही करत २२ मार्च २०२२ रोजी त्रिपाठी यांचं निलंबन करण्यात आलं होतं.
यासंदर्भात मुख्य सचिव मनोज सैनिक यांच्या अध्यक्षतेखाली उच्च स्तरीय समितीची स्थापन करण्यात आली होती. या समितीनं त्रिपाठी यांच्यावरील निलंबनाची कारवाई मागे घेतली. आयपीएस अधिकाऱ्याला तीन महिन्यांपेक्षा अधिक काळासाठी निलंबित ठेवता येत नाही, त्यामुळं त्रिपाठींचं निलंबन मागे घेण्यात येत आहे, असं या समितीनं निर्णय घेताना म्हटलं आहे.
त्रिपाठी यांच्यावर या प्रकरणात गुन्हा दाखल झाल्यानंतर ते बेपत्ता झाले होते. १६ मार्च २०२२ रोजी मुंबई पोलिसांच्या गुन्हे शाखेनं त्यांना फरार घोषित केलं होतं. त्रिपाठी यांच्याविरोधात पुरावे पोलिसांना सापडले होते. दरम्यान, डीसीपी सौरभ त्रिपाठी यांनी तक्रारदाराला फोन करुन तक्रार मागे घेण्यासही सांगितलं होतं. यासंबंधिच्या ऑडिओ क्लीपही मुंबई पोलिसांच्या हाती लागल्या होत्या. (Latest Marathi News)
दरम्यान, अटकेपासून वाचण्यासाठी सौरभ त्रिपाठी यांनी स्थानिक कोर्टात अटकपूर्व जामिनासाठी धाव घेतली होती. या याचिकेत त्यांनी आपल्यावरील आरोप फेटाळून लावले होते. एफआयआरमध्ये आपलं नाव नसून पोलीस स्टेशनकडून अंगाडियाकडून वसूली केली जात असल्याची माहिती आपल्याला नव्हती. (Marathi Tajya Batmya)
या प्रकरणात गुन्हे शाखेकडून ४ आरोपींना अटक करण्यात आली होती. यांपैकी ३ जण पोलीस अधिकारी होते. अटक झालेले पोलीस निरिक्षक ओम बंगाटे यांच्या चौकशीतून डीसीपी सौरभ त्रिपाठी यांचं नाव समोर आलं होतं. त्यानंतर त्रिपाठी यांच्यावर गुन्हा दाखल करुन निलंबनाची कारवाई करण्यात आली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.