Navi Mumbai: मिरा-भाईंदर, वसई-विरार पोलिसांच्या मध्यवर्ती गुन्हे प्रकटीकरण शाखेने भाईंदर पूर्व भागातून सुमारे तीन लाख रुपये किमतीचा एमडी (मॅफेड्रॉन) हा अमली पदार्थ जप्त केला आहे. याप्रकरणी एकाला अटक करण्यात आली आहे.

मध्यवर्ती गुन्हे प्रकटीकरण शाखेच्या पोलिसांना मिळालेल्या माहितीवरुन त्यांनी भाईंदर पूर्व येथील गोल्डन नेस्ट ते इंद्रलोक या मार्गावर हनुमान मंदिराजवळ अलकेश रामचंद्र म्हसकर (वय ३९) या संशयिताला ताब्यात घेतले.

त्याची झडती घेतली असता त्याच्याकडे २ लाख ९० हजार रुपये किमतीचे एमडी, वजन काटा, दुचाकी, रोख रक्कम व मोबाईल असा ४ लाख २० हजार रुपयांचा मुद्देमाल आढळून आला. म्हसकर याला अटक करून त्याच्यावर नवघर पोलिस ठाण्यात गुन्हा नोंदवण्यात आला आहे.