डोंबिवली - रक्षाबंधनसाठी जळगाव हून डोंबिवली मध्ये आपल्या नणंदेकडे आलेल्या एका विवाहितेने चौथ्या मजल्यावरून उडी मारून आत्महत्या केल्याची घटना घडली आहे. शुक्रवारी सकाळी आजदे पाडा परिसरात ही धक्कादायक घटना घडली असून पूजा सोळंके (वय 20) असे मृत महिलेचे नाव आहे.

डोंबिवली मधील आजदे पाडा परिसरात सकाळच्या सुमारास पूजा हिने जय गुरुदेव इमारतीच्या चौथ्या मजल्यावर उडी मारून जीवन संपवलं आहे.

पूजा हिचे 8 महिन्यांपूर्वीच लग्न झाले आहे. रक्षाबंधनसाठी ती जळगाव येथील भिलवडी मुक्ताईनगर हून डोंबिवली मध्ये आपल्या नणंदेच्या घरी आली होती.

दरम्यान तीचा पतीसोबत काही कारणावरून वाद झाला. त्यानंतर पूजाने इमारतीच्या चौथ्या मजल्यावरून उडी घेत आत्महत्या केली असावी अशी प्राथमिक माहिती समोर येत आहे.

याप्रकरणी मानपाडा पोलीस ठाण्यात घटनेची नोंद करण्यात आली असून पोलीस अधिक तपास करत आहेत.