नवी मुंबई : रबाळे पोलिसांनी (Rabale Police) ऐरोली नाका (Airoli) येथील पादचारी पुलाजवळ (Pedestrian bridge) सुरू असलेल्या मटका जुगाराच्या अड्ड्यावर (Gambling club) छापा मारून कल्याण मटका जुगार चालविणारे व खेळणारे अशा चौघांना अटक (four culprit arrested) केली. कारवाईत पोलिसांनी मटका खेळण्यासाठी लागणारे साहित्य तसेच रोख रक्कम जप्त केली आहे.

ऐरोली नाका येथील पादचारी पुलाजवळ मोकळ्या जागेत काही व्यक्ती मटका चालवत असल्याची माहिती रबाळे पोलिसांना मिळाली होती. त्यानुसार पोलिस उपनिरीक्षक बोडरे व त्यांच्या पथकाने शनिवारी सायंकाळी छापा मारला.

याठिकाणी दीपक गंगाराम बाविस्कर (४२), संजय बबाजी गजरे (४५) व शरद मोतीराम मनवर (५८) हे तिघे कल्याण मटका जुगार खेळवत असल्याचे तसेच मनीराम चौहान (४४) हा सदरचा जुगार खेळताना आढळला. पोलिसांनी चौघांसह जुगार बुक, मटका आकड्यांच्या चिठ्ठ्या व रोख रक्कम जप्त केली.