नवी मुंबई : नवी मुंबई मनसे शहर अध्यक्ष गजानन काळे (Navi mumbai mns city chief gajanan kale) यांच्याकडून मानसिक व शारीरिक छळ (mental and physical harassment) करण्यात येत असल्याची तसेच जातीवाचक शिवीगाळ करण्यात येत असल्याची तक्रार त्यांच्या पत्नीने (wife file complaint) केली आहे. त्यानुसार नेरूळ पोलिसांनी (nerul police) गजानन काळे यांच्या विरोधात छळवणुकीसह इतर कलमाखाली गुन्हा दाखल केल्यामुळे नवी मुंबईत आणि मनसेच्या गोटात खळबळ उडाली आहे.

मागील काही वर्षांपासून गजानन काळे आपल्याला मारहाण करीत असून जातीवाचक शिवीगाळ करीत असल्याची तक्रार गजानन काळे यांच्या पत्नीने केली आहे. गजानन काळे यांचे बाहेरील महिलांशी संबंध असल्याने आपल्यावर घरात अन्याय करीत असल्याचेही त्याच्या पत्नीने पोलिसांना दिलेल्या तक्रारीत म्हटले आहे.

2008 मध्ये लग्न झाल्यानंतर 15 दिवसांतच गजाननने किरकोळ घरगुती कारणावरून भांडण करून सावळा रंग व जातीवरून आपल्याला टोमणे मारून जातीवाचक शिवीगाळ करण्यास सुरुवात केल्याचे तसेच गजानन याने आपल्याला मारहाण केल्याचे देखील त्याच्या पत्नीने तक्रारीत म्हटले आहे.

गजानन याचे काही महिलासोबत अनैतिक संबंध असल्याचे व तो अनेक मुलीशी प्रेमाच्या अश्लील गोष्टी करत असल्याचे त्याच्या फोन कॉल व मेसेज वरून समजल्यानंतर त्याच्या पत्नीने त्याबाबत विचारणा केल्यानंतर गजानन या गोष्टीवरून भांडण करुन मारहाण करत असल्याचे देखील त्यांच्या पत्नीने तक्रारीत स्पष्ट केले आहे. या तक्रारीवरून नेरुळ पोलिसांनी गजनान काळे यांच्या विरोधात गुन्हा दाखल करून तपासाला सुरुवात केली आहे. या प्रकारानंतर मनसेच्या गोटात खळबळ उडाली आहे.