डोंबिवली - मोदीजींनी कोणाचाही अपमान केलेला नाही त्यांनी एक साधा सरळ प्रश्न गांधी घराण्याला विचारला आहे. काँग्रेसचा हा परिवार नेहरूजींचे आडनाव वापरायला का घाबरतो? असा काय नाईलाज आहे की ते नेहरूंचे आडनाव लावत नाहीत. यामध्ये राहुल गांधी यांना जर अपमान वाटत असेल तर तो त्यांचा प्रश्न आहे? पण त्यांना या प्रश्नाचे उत्तर द्यावेच लागणार आहे असे वक्तव्य केंद्रीय मंत्री अनुराग ठाकूर यांनी डोंबिवली येथे घेतलेल्या पत्रकार परिषदेत केले आहे.

पक्षवाढीसाठी कल्याण लोकसभा मतदार संघात कार्यकर्त्यांची अभा घेण्यासाठी आलेल्या कंद्रिय मंत्री अनुराग ठाकूर यांनी डोंबिवली पूर्व येथील रोटरी गार्डन मध्ये पत्रकार परिषद आयोजित केली होती. यावेळी त्यांना बीबीसीवर झालेल्या इनकम टॅक्स कारवाई संदर्भात विचारले आसता माहिती प्रसारण मंत्री अनुराग ठाकूर यांनी ज्या ठिकाणी गैरव्यवहार असल्याचा संशय इन्कम टॅक्स विभागाला येतो त्या ठिकाणी इन्कम टॅक्स विभागाची कारवाई होते असे सांगितले.

त्यानंतर त्या संस्थेने केलेल्या व्यवहाराचा पूर्ण अभ्यास करून आणि सर्वे करून इनकम टॅक्स विभागाकडून माहिती प्रसारित केली जाते. ज्यावेळी त्यांची चौकशी पूर्ण होईल त्यावेळी रिपोर्ट देण्यात येईल. भारतात जी न्याय व्यवस्था आहे त्याच्यावर कोणीही नसेल असे वक्तव्य अनुराग ठाकूर यांनी केले.

यावेळी पुढे बोलताना त्यांनी यंदाच्या अर्थसंकल्पात केंद्र सरकारने पूर्वीच्या तुलनेत 11 टक्के ज्यादा निधी महाराष्ट्रासाठी दिला आहे. रेल्वे, रस्ते आणि हवाई मार्गाद्वारे आर्थिक राजधानी आणि देशाची राजधानी यातील अंतर कमी करण्यात यश आले असून 8 वर्षात मोदी सरकारने जे करून दाखवले ते कॉंग्रेस सरकारला मागील 60 वर्षात जमलेले नसल्याचा टोला ठाकूर यांनी काँग्रेसला लगावला.

मोदी सरकारने महाआघाडी सरकारच्या काळात देखील निधी दिला मात्र त्यांची प्राथमिकता वेगळी होती. ते सेवा करण्याच्या उद्देशाने सत्तेत आले नव्हते. मात्र आम्ही विकास कामाना वेग दिल्यानेच विकास कामे दिसू लागल्याचा टोला त्यांनी महाविकास आघाडी सरकारला लगावला. तर महाराष्ट्राने मोदी साठी मागच्या वेळेपेक्षा जास्त उमेदवार निवडून द्यावेत असे आवाहन केले.