Palghar News: लोकसभा निवडणुकीची घोषणा होऊन महिण्याचा कालावधी होत आला आहे. महाविकास आघाडी ने आपला ऊमेदवार जाहीर केला आहे. त्यापाठोपाठ जिजाऊ संघटनेने पहिल्यांदाच या निवडणुकीत ऊडी घेत, आपला ऊमेदवार जाहीर केला आहे. बहुजन विकास आघाडीने ही निवडणूक स्वतंत्र लढवण्याचा निर्णय घेतला आहे.

मात्र आपला ऊमेदवार घोषीत केलेला नाही. तर सत्ताधारी तीन पक्षाच्या महायुतीत येथील जागा कोण लढवणार तसेच ऊमेदवार कोण असणार हे अजुनही ठरलेले नाही. मात्र, महायुती निवडणुका लढण्यास सज्ज असल्याने, यावेळी पालघर ची निवडणुकीत चौरंगी लढत होणार असल्याचे चित्र ऊभे राहीले आहे.

पालघर लोकसभेसाठी शिवसेना ऊध्दव बाळासाहेब ठाकरे गटाने पालघर जिल्हा परिषदेच्या माजी अध्यक्षा भारती कामडी यांना ऊमेदवारी देऊन, महाविकास आघाडी ला धक्का दिला आहे. ऊमेदवारी जाहीर होताच भारती कामडी आणि शिवसेना ऊध्दव बाळासाहेब ठाकरे गटाचे नेते व कार्यकर्ते प्रचाराला लागले आहेत. त्यामुळे पालघर मध्ये शिवसेना ऊध्दव बाळासाहेब ठाकरे गटाची प्रचारात आघाडी असल्याचे दिसून येत आहे.

महाविकास आघाडीत येथे शिवसेनेचे विद्यमान खासदार राजेंद्र गावीत आहेत. मात्र, यावेळी या जागेवर भाजप ने दावा केला आहे. शिवसेना आणि भाजप च्या परस्पर विरोधी दाव्याने, या जागेचा आणि ऊमेदवारी चा तिढा कायम आहे. मात्र, आपणांस वरिष्ठांनी आदेश दिल्याचे सांगत, राजेंद्र गावीतांनी एकतर्फी प्रचार सुरु केला आहे. परंतु कोणत्या पक्षाकडुन ऊमेदवारी आणि चिन्ह काय असणार आहे ? ह्याचा तिढा सुटलेला नाही. गावीतांच्या ऊमेदवारी ला भाजप जिल्हाध्यक्षांसह पदाधिकार्यांनी कडाडून विरोध केला आहे. त्यामुळे येथुन महायुती कडून कोण ऊमेदवार असणार आहे, याचे कोडे कायम आहे.

पालघर लोकसभेची पहिली निवडणूक जिंकलेल्या आणि जिल्ह्यात तीन विधानसभेवर आपले वर्चस्व असलेल्या बहुजन विकास आघाडी ने स्वतंत्र निवडणुक लढवण्याचा निर्णय घेतल्याचे आमदार हितेंद्र ठाकुर यांनी जाहीर केले आहे. मात्र, आपला ऊमेदवार गुलदस्त्यातच ठेवला आहे. त्यामुळे मतदारांमध्ये उत्सुकता वाढली आहे.

महायुतीचा तिढा कायम असतांना, पालघर सह कोकण विभागात अल्पावधीत, गाव पाड्यांमध्ये पोहोचलेल्या निलेश सांबरेंच्या जिजाऊ सामाजिक संघटनेने या निवडणुकीत पालघर आणि भिवंडी ची जागा लढवण्याचा निर्णय घेतला आहे. भिवंडीत स्वतः निलेश सांबरे तर पालघर मध्ये कल्पेश भावर यांची ऊमेदवारी जाहीर करून, सांबरेंनी प्रस्थापित पक्षांपुढे आव्हान ऊभे केले आहे. त्यांनी जिल्ह्यातील समस्या तसेच जटील प्रश्न सोडवण्याचे आश्वासन मतदारांना दिले आहे.

एकूणच, सध्यस्धितीत शिवसेना ऊध्दव बाळासाहेब ठाकरे, महायुती, बहुजन विकास आघाडी आणि जिजाऊ सामाजिक संघटना यांचे चार प्रमुख ऊमेदवार या निवडणुकीत ऊभे ठाकणार असल्याने, यावेळची निवडणुक चौरंगी लढती ची, अटीतटीची आणि रंगतदार होणार असल्याचे चित्र ऊभे राहीले आहे.