पनवेल : येथून दुचाकीवरून कामोठ्यात परतणाऱ्या एका महिलेला (Woman Accident) अज्ञात वाहनाने धडक दिली. अपघातात महिलेचा मृत्यू (woman Death) झाल्याची घटना शुक्रवारी रात्री पनवेलमधील गार्डन हॉटेलजवळ (garden hotel) घडली. पनवेल शहर पोलिसांनी (panvel city police) अपघातप्रकरणी अज्ञात वाहनचालकाविरोधात गुन्हा (police FIR) दाखल केला.

रेणुकुमारी धनंजयकुमार (४२) असे मृत महिलेचे नाव असून, त्या कामोठे सेक्टर-२१ मधील धर्ती आयकॉन बिल्डिंगमध्ये कुटुंबासह राहतात. त्या दुचाकीवरून कामोठे येथे परतत होत्या, तर त्यांचा भाऊ मनीषकुमार राय हा सायकल चालवत पाठीमागून जात होता. पावणेआठच्या सुमारास रेणुकुमारी या पनवेलमधील गार्डन हॉटेलजवळ आल्या असताना पाठीमागून आलेल्या अज्ञात वाहनाने त्यांना धडक दिली. यात रेणुकुमारी गंभीर जखमी होऊन खाली पडल्या. त्यानंतर काही वेळात त्यांचा मृत्यू झाला.