मुंबई : कोरोना विषाणूच्या विरोधातील युद्ध लढण्यासाठी संपूर्ण देश एकवटला झाला आहे. बॉलीवूडचे महानायक अमिताभ बच्चन यांनी एक व्हिडीओ शेअर करून त्याचाच पुरावा दिला आहे. या चित्रफितीत देशातील वेगवेगळ्या 22 भाषा बोलणारे लोक एकत्र येऊन संदेश देत आहेत. 

ही बातमी वाचली का? चौथ्या लॉकडाऊनमध्ये  राज्यांना "हे" अधिकार मिळण्याची शक्‍यता 

बिग बी यांनी ट्‌विटर अकाऊंटवरून हा व्हिडीओ शेअर केला. ते म्हणतात, भारतातील या भाषा धैर्य, विश्‍वास आणि सहानुभूतीचा महत्त्वपूर्ण संदेश देत आहेत. अमिताभ बच्चन यांनी सर्व नागरिकांना एकत्र आणि सकारात्मक राहण्यास सांगितले आहे. सध्या कोरोनामुळे लोक घरांतच अडकले असले, तरी देशभावनेमुळे एकत्र आले आहेत. आताच्या कठीण परिस्थितीत हे धैर्यच महत्त्वाचे आहे, असा संदेश या व्हिडीओतून देण्यात आला आहे. 

ही बातमी वाचली का? मुंबईत कोरोनामुळे आणखी दोन पोलिस अधिकाऱ्यांचा मृत्यू 

या व्हिडीओत मराठी, आसामी, बंगाली, बोडो, डोगरी, गुजराती, हिंदी, कन्नड, काश्‍मिरी, कोकणी, मैथिली, मल्याळम, मणिपुरी, नेपाळी, ओडिशी, पंजाबी, संस्कृत, संथाली, सिंधी, तमिळ, तेलगू आणि उर्दू या भाषा बोलणारे लोक एकत्र आले आहेत. धैर्य, विश्‍वास आणि सहानुभूती यांचे महत्त्व ते सांगत आहेत. अमिताभ बच्चन नेहमीच समाज माध्यमांवर सक्रिय असतात. ते अशा प्रकारचे संदेश देणाऱ्या पोस्ट शेअर करत असतात. त्यांच्या पोस्टना चाहते भरभरून प्रतिसाद देतात. काही दिवसांपूर्वीच त्यांनी लोकांना घरातच राहण्याचे आवाहन करणारी शॉर्ट फिल्म तयार केली होती.