मुंबई ः वाढीव वीजबिलांबाबत निर्णय घेण्यासाठी सत्तारुढ तसेच विरोधकांच्या लोकप्रतिनिधींची संयुक्त समिती नेमावी, अशी मागणी विधानपरिषदेतील विरोधी पक्षनेते प्रवीण दरेकर यांनी केली आहे. अन्यथा वीजग्राहक मेळावे होऊ देणार नाही, असा इशाराही त्यांनी दिला आहे. 

या प्रश्नावर राज्य सरकार आणि उर्जामंत्री गेले चार महिने आश्वासने देऊन टोलवाटोलवी करत आहे. त्यामुळे आधीच कोरोनाने नाडलेल्या ग्राहकांना सर्वप्रथम दिलासा द्या, असेही दरेकर यांनी सांगितले आहे. 

हेही वाचा - शिवसेना सरकार हिंदुविरोधी, छटपूजेवरून भाजपची ठाकरे सरकारवर टीका

महाविकास आघाडी सरकारने वीज बिल सवलतीबाबत यू-टर्न घेतला आहे. कोरोना काळात वीज बिल माफीची लोकप्रिय घोषणा केली. परंतु आता वाढीव वीज बिलातून ग्राहकांना दिलासा मिळणार नाही, मीटर रिडिंगप्रमाणे आलेली बिलं ग्राहकांनी भरलीच पाहिजेत, असे ऊर्जामंत्र्यांनी जाहीर केले आहे. ही वीजबिले चुकीची असून ती वाढीव जादा रकमेची दिली आहेत. त्यामुळे यासंदर्भात सत्यशोधनासाठी सत्तारूढ व विरोधी पक्षाच्या सदस्यांची समिती नेमावी. त्यातूनच सत्य बाहेर येईल, असेही दरेकर म्हणाले. 

हेही वाचा - मध्य रेल्वे मार्गावर अतिरिक्त उत्सव विशेष गाड्या चालविणार

जनताच झटका देईल शेलार यांची टीका
वाचाळवीर उर्जामंत्री आधी वीजबिलात सवलत देतो असे म्हणाले आणि आता शब्द फिरवला. अनैतिकतेतून जन्मलेल्या आणि राज्याला अराजकतेकडे नेणाऱ्या या सरकारला जनताच झटका देईल, अशी टीका भाजप आमदार आशीष शेलार यांनी ट्वीटद्वारे केली आहे.

Pravin Darekar warns not to allow electricity consumers to meeting

-------------------------------------------------

( संपादन - तुषार सोनवणे )