अंधेरी : देशभरात लाॅकडाऊन 3 मेपर्यंत वाढवणार असल्याची घोषणा पंतप्रधान मोदी यांनी  केली. त्यामुळे आलेल्या नैराश्यातून कांदिवली पश्चिमेतील एका 35 वर्षीय पुजाऱ्याने मंदिरातच आत्महत्या केल्याची धक्कादायक घटना घडली. 

मुंबईतील महत्वाच्या बातम्या वाचण्यासाठी येथे क्लिक करा

कृष्णा पुजारी असे पुजाऱ्याचे नाव आहे. त्यांना कर्नाटकमधील मंगळूर, उडपी या आपल्या मूळ गावी जायचे होते; मात्र लाॅकडाऊनमुळे त्यांना जाता येत नव्हते. बऱ्याच वर्षांपासून ते कांदिवलीतील इराणी वाडी येथील दुर्गा देवीच्या मंदिरात मुख्य पुजारी होते. मंगळवारी (ता. 14) सायंकाळी त्यांनी मंदिरातच गळफास लावून आत्महत्या केली. माहिती मिळताच कांदिवली पोलिसांनी घटनास्थळी धाव घेत पुजारी यांना शताब्दी रुग्णालयात दाखल केले.  रुग्णालयात डाॅक्टरांनी तपासून त्यांना मृत घोषित केले. पुजारी यांना कर्नाटकमधील आपल्या मुळ गावी जाता न आल्यामुळे त्यांनी आत्महत्या केली, अशी माहिती कांदिवली पोलिस स्टेशनचे वरिष्ठ पोलीस निरीक्षक नितीन पांडकुळे यांनी दिली आहे. पोलिस पुढील तपास करत आहेत