Railway Hero: धावत्या ट्रेनमधून चढत असताना एका प्रवाशाचा तोल गेल्याने रेल्वे खाली जाणाऱ्या त्या तरुणांचे प्राण कर्तव्यावर असलेल्या पॉइंट्समन समीर हांडे यांनी वाचवले. ही घटना मस्जिद रेल्वे स्थानकात घडली आहे.“तूच खरा हिरो आहेस” असे म्हणत त्याचे त्या प्रवाशांने आभार मानले आहे.

मध्य रेल्वेकडून मिळालेल्या माहितीनुसार, शनिवारी ६ जानेवारी २०२३ रोजी हार्बर मार्गावरील मस्जिद रेल्वे स्थानकात एक प्रवासी १२.२४ वाजताची वांद्रे लोकलमध्ये चढण्याचा प्रयत्न करत होता. त्याचवेळी लोकलने गती पकडल्यावर त्याचा तोल गेला. चक्क प्रवासी प्लॅटफॉर्मवर कोसळला आणि ट्रेनमधील गॅपमध्ये तो जाणारच होता.

तितक्या कर्तव्यावर असलेल्या पॉइंट्समन समीर हांडे त्याच्याकडे धावत घेत बाजूला खेचले त्याचे प्राण वाचवले. समीर यांनी प्रवाशाचे प्राण वाचवताना सतर्कता, धाडस आणि तत्परता याचे अनोखे उदाहरण दिले आहे. नाव न सांगू इच्छिणाऱ्या प्रवाशाने “तूच खरा हिरो आहेस” असे म्हणत त्याचे आभार मानले.