Latest Thane Rain: शहापूर तालुक्यातील हजारे वेहलोळी गावात शनिवारी राञीच्या सुमारास अतिवृष्टीने घर कोसळून बुधा परसु जाधव वय.80 जखमी झाले आहेत. प्रसंगावधान राखून गावकऱ्यांनी मदत करून त्यांना बाहेर काढल्याने त्यांचा जीव वाचला.

गेल्या 10/12 दिवसापासून सुरू असलेल्या मुसळधार पावसाने ठिकठिकाणी पूल,रस्ते व नाले भरून वहात असल्याने जनजीवन विस्कळीत केले असून ,शनिवारी रात्री पाऊस सुरू असताना 9 च्या सुमारास वेहलोलई गावातील बुधा परसु जाधव यांच राहत घर अंगावर कोसळलं जोरात आवाज झाल्याने सर्व गावकरी धावून आले.

घरात बुधा परसु जाधव हे आत असताना अटकून राहिले होते वेहळोली येथील तरुण विकी जाधव ,सागर जाधव, आनंद जाधव सह ग्रामस्थांनी या प्रसंगी घाव घेऊन 80 वर्षीय आजोबा बुधा जाधव यांना सुखरूप बाहेर काढले.

पूर्ण घर कोसळल्याने ते सद्या बेघर झाले असून त्यांना गावकऱ्यांनी आश्रय दिला असून बुधा जाधव यांना घरकुल मंजूर करून त्यांना शासनाने तात्काळ आर्थिक मदत करण्यात यावी अशी मागणी प्रहार संघटनेचे तालुकाध्यक्ष वसंत पानसरे यांनी तहसीलदार कडे केली आहे.