मशिदींवरील अनधिकृत भोंग्यांबाबत राज ठाकरेंनी सरकारला दिलेल्या अल्टिमेटमचा कालावधी काल संपला. त्याआधीच पोलिसांनी अॅक्शन मोडमध्ये येत मनसेचे कार्यकर्ते आणि पदाधिकाऱ्यांची धरपकड सुरू केली. राज्यभरात मशिदींबाहेर पोलीस फौजफाटा तैनात आहे. तसेच कायदा आणि सुव्यवस्था अबाधित ठेवण्यासाठी राज ठाकरे यांच्या घराबाहेरील पोलीस सुरक्षा देखील वाढवण्यात आली आहे. (Raj Thackeray Tweets Video of Balasaheb Thackeray)

दरम्यान, राज्यात अनेक ठिकाणी कार्यकर्त्यांनी पहाटे अजानच्या वेळी हनुमान चालिसा लाऊडस्पीकरवर वाजवली. तर काही ठिकाणी मनसेचे कार्यकर्ते सज्ज होते. पण अजान झालीच नाही. यातच राज ठाकरे यांनी बाळासाहेब ठाकरे यांचा जुन्हा व्हिडीओ शेअर केला आहे. त्यामुळे प्रकरण आणखी चिघळण्याची शक्यता आहे. (Raj Thackeray Hanuman Chalisa Row)