उल्हासनगर : उल्हासनगरातील स्मशानभूमीमध्ये तात्काळ 4 विद्युत दाहिन्या उपलब्ध करून देण्याचे निर्देश पालकमंत्री एकनाथ शिंदे यांनी जिल्हाधिकारी राजेश नार्वेकर यांना दिले आहेत. त्यामुळे कोव्हिड रुग्णांवर अंत्यसंस्कार करताना परिसरात पसरणाऱ्या धुरातून नागरिकांची सुटका होणार आहे. 

वाचा - पुन्हा एकदा बेस्टच्या 'त्या' कामगारांवर कारवाईचा बडगा

उल्हासनगर शहरात कोरोनामुळे मृत्यूच्या संख्येत वाढ होत असून आतापर्यंत 68 मृत रुग्णांवर स्मशानभूमीत अंत्यसंस्कार करण्यात आले. यातून निघणाऱ्या धुरामुळे नागरिक त्रस्त आहेत. रात्री बेरात्री धूर परिसरात पसरत असल्याने आपल्यालाही कोरोनाची लागण होणार तर नाही ना? अशी भीती नागरिकांच्या मनात आहे. 

वाचा - भीमा कोरेगाव प्रकरण! वर्वरा राव यांची तब्बेत ढासळली; उच्च न्यायालयात जामिनासाठी याचिका 

त्या अनुषंगाने उल्हासनगरात असणाऱ्या 4 स्मशानभूमीमध्ये कोरोना मृतदेहांची विल्हेवाट लावण्यासाठी विद्युत दाहिन्यांची व्यवस्था करण्याची मागणी शिवसेना शहरप्रमुख व पालिकेतील सभागृहनेते राजेंद्र चौधरी यांनी पालकमंत्री शिंदे यांच्याकडे केली होती. या मागणीची दखल घेत शिंदे यांनी जिल्हाधिकारी राजेश नार्वेकर यांना 4 विद्युत दाहिन्या उपलब्ध करून देण्याचे निर्देश दिले आहेत.

---------------------------------------------------

( संपादन - तुषार सोनवणे )