आठवड्याच्या पहिल्याच दिवशी मुंबई शेअर बाजारात घसरण पाहायला मिळाली. सकाळच्या पहिल्या सत्रातच शेअर बाजरात तब्बल १ हजार अंकांनी गडगडला. इन्फेसिस, टेक महिंद्रा आणि एचसीएच टेक्नोलॉजीच्या शेअरमध्ये वाढ दिसून आली. बजाब फायनान्स आणि इंडसइंड बँकच्या शेअर्समध्ये प्रत्येकी दोन टक्क्यांची घसरण झाली. शेअर बाजाराचा सेन्सेक्स ४९ हजारच्या खाली आला. 

राष्ट्रीय शेअर बाजाराचा निफ्टी ३२० अंकांनी घसरला. निफ्टी १४,५०० च्या पुढे आहे. भारतात कोरोना व्हायरसची दुसरी लाट आलीय. त्यांचा प्रतिकुल परिणाम शेअर बाजारावर होतोय. कोरोनाच्या दुसऱ्या लाटेचा महाराष्ट्राला सर्वाधिक फटका बसलाय. कोरोनाच्या या लाटेमध्ये महाराष्ट्रात दररोज रुग्ण संख्या वाढतेय. त्यामुळे महाराष्ट्रात पुन्हा एकदा कठोर निर्बंध लागू करण्यात आले आहेत. 

गृहमंत्रीपदावरुन अनिल देशमुखांना हटवण्यासाठी मुख्यमंत्री ठाकरे आग्रही

"मार्च पासून दुसऱ्या लाटेचे संकेत मिळाले. जानेवारी-फेब्रुवारी या दोन महिन्यात अर्थव्यवस्था मोठ्या प्रमाणावर सामान्य झाली. कोरोनाच्या दुसऱ्या लाटेचा पहिल्या तिमाहीच्या जीडीपीवर परिणाम होऊ शकतो" असे नोमुराच्या अहवालात म्हटले आहे. दुसरी लाट विस्तार गेली तर, निर्बंध आणखी वाढू शकतात असे नोमुराने म्हटले आहे.