मुंबई - कॉर्डेलिया क्रूझ ड्रग्ज प्रकरणी २५ कोटींची लाच स्वीकारल्याच्या आरोपावरून ईडीने नोंदवलेल्या ईसीआयआर प्रकरणी एनसीबी मुंबईचे माजी विभागीय संचालक समीर वानखेडे यांनी उच्च न्यायालयात धाव घेतली आहे. मात्र मुंबईतील ईसीआयआर दोन दिवसांपूर्वीच दिल्लीला वर्ग केल्याची माहिती आज (ता. १३) ईडीने उच्च न्यायालयात दिली. त्यामुळे वानखेडे यांच्यावर अटकेची टांगती तलवार अद्याप कायम आहे.
मुंबई झोनल युनिटमध्ये दाखल केलेला ईसीआयआर दिल्लीत वर्ग करण्यात येऊ नये अशी मागणी करत समीर वानखेडे यांनी ऍड. करण जैन यांच्यामार्फत उच्च न्यायालयात याचिका केली. न्या. प्रकाश नाईक यांच्या समोर आज सुनावणी झाली. वानखेडे यांच्या वतीने बाजू मांडताना वकिलांनी सांगितले की, ईडी आपल्याला यात नाहक गोवत असून त्रास देत आहे.
सीबीआयच्या गुन्ह्यात मुंबई उच्च न्यायालयाने अंतरिम संरक्षण दिले असताना ईडीच्या गुन्ह्यात कुठलेही संरक्षण मिळू नये, यासाठी ईडीला मुंबईतील ईसीआयआर दिल्लीला वर्ग करायचा आहे. त्यावर ईडीच्या वतीने अॅड. हितेन वेणेगावकर यांनी युक्तिवाद करताना सांगितले की, दोन दिवसांपूर्वीच मुंबईतील ईसीआयआर दिल्लीत वर्ग केला आहे. न्यायालयाने याची दखल घेत वानखेडेंना कुठलाही दिलासा न देता सुनावणी गुरुवारपर्यंत तहकूब केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.