ठाणे : २१ ऑक्‍टोबरला राज्यात विधानसभा निवडणुका पार पडणार आहेत. डोंबिवली विधानसभा मतदारसंघाच्या निवडणुकीसाठी सावित्रीबाई फुले नाट्यगृह, तर कल्याण ग्रामीण मतदारसंघासाठी तरण तलाव येथे मतमोजणी होणार आहे. या कामासाठी सावित्रीबाई फुले नाट्यगृह पुढील १३ दिवसांसाठी, तर तरण तलाव ३ दिवसांसाठी बंद ठेवण्यात येणार आहे. 

सोमवारपासून (ता.१४) नाट्यगृह आणि तरण तलाव बंद करण्यात आले असून नाट्यगृहात सध्या निवडणूक कर्मचाऱ्यांना प्रशिक्षण देण्यात येत आहे. तसेच मतदान पार पडल्यानंतर येथे मतपेट्या ठेवण्यात येणार आहेत. त्यामुळे येथे त्रिस्तरीय पोलिस बंदोबस्त राहणार आहे. या भागात कोणालाही प्रवेश देण्यात येणार नसल्याची माहिती निवडणूक निर्णय अधिकारी जयराम पवार यांनी दिली. नाट्यगृह तेरा दिवस बंद राहाणार असले तरी तरण तलाव केवळ तीन दिवस बंद ठेवण्यात येणार आहे.