शहापुर : शहापूरात शुक्रवारी तीन रुग्ण कोरोना बाधित रुग्ण आढळून आले, तर दोघे जण संशयित आहेत. शहरात एकावेळी तीन रूग्ण आढळून आल्याने भीतीचे वातावरण पसरले आहे. तालुक्यात आतापर्यंत एकूण पाच कोरोना बाधित रुग्ण आढळले आहेत. 

नक्की वाचा : धक्कादायक ! उपचारांनंतरही फुफ्फुसांमध्ये लपून राहतो कोरोना? काय सांगतायत वैज्ञानिक?

शहापुरात शुक्रवारी तावडे नगर येथे एक, गोठेघर येथे एक आणि कसारा येथे विलगीकरण कक्षात एक असे तीन कोरोना बाधित रुग्ण आढळून आले आहेत. तर कसारा येथील विलागीकरण कक्षातील अन्य दोघे जण संशयित असल्याचे आरोग्य विभागाकडून सांगण्यात आले. दरम्यान, तीन बाधित रुग्णांना ठाणे जिल्हा रुग्णालयात दाखल करण्यात आले असल्याचे तालुका आरोग्य अधिकारी डॉ. तरुलता धानके यांनी सांगितले.

मोठी बातमी : मातोश्रीच्या दारावर पुन्हा कोरोनाची ठकठक, आणखी तीन पोलिस कोरोना पॉझिटिव्ह

बाधित रुग्णाच्या संपर्कातील व्यक्तींना कसारा येथील शेट्ये अभियांत्रिकी महाविद्यालयात व दहागाव येथील आदिवासी आश्रमशाळेत क्वारोंटाईन करण्यात आले आहे. दरम्यान,  शहापूरमध्ये प्रतिबंधित क्षेत्राचा आरोग्य विभागाकडून पुन्हा सर्वेक्षण सुरु आहे. शहापूर, गोठेघर व कसाऱ्यात आढळलेल्या पॉझिटिव्ह रुग्णांच्या वास्तव्याच्या ठिकाणाला केंद्रबिंदू ठरवून हे सर्व्हेक्षण करण्यात येत आहे. हा सर्व्हे पुढील 14 दिवस चालणार आहे.

 In Shahapur, 3 new corona patients and two suspected patients