Eknath Shinde Vs Ramdas Kadam : शिवसेनेचे ज्येष्ठ नेते तथा माजी मंत्री रामदास कदम यांच्यावर मुख्यमंत्री एकनाथ शिंदे नाराज असल्याची बातमी समोर येत आहे. साम वृत्तवाहिनीने ही बातमी प्रसारीत केली आहे.
याबाबत अधिक माहिती अशी की, शिवसेनेचे फायर ब्रँड नेते तथा विरोधकांवर नेहमीच टीका करणारे माजी मंत्री रामदास कदम हे नेहमीच आपल्या वादग्रस्त वक्तव्यामुळे आणि विरोधकांवरच्या टीकांमुळे नेहेमीच चर्चेत असतात. नुकतीच त्यांनी उद्धव ठाकरे यांच्यावर ते खोटारडे असल्याची टीका केली होती.
नुकतीच 16 तारखेला शिवसेनेची बैठक मुख्यमंत्री एकनाथ शिंदे यांच्या अध्यक्षतेखाली घेण्यात आली होती. या बैठकीमध्ये शिवसेनेचे नेते मंत्री व आमदार आणि खासदार उपस्थित होते. यावेळी रामदास कदम यांनी काही मंत्र्यांना सुनावलं. त्यामुळे मुख्यमंत्री एकनाथ शिंदे त्यांच्यावर नाराज झाल्याचे वृत्त सामने दिले आहे.
गेल्या काही दिवसांपूर्वी रामदास कदम यांचे पुत्र आमदार योगेश कदम यांच्यावर नाराजी व्यक्त करत शिवसेनेच्या पदाधिकाऱ्यांनी पक्षातून राजीनामा दिला होता. यावेळी त्यानंतर आता खुद्द मुख्यमंत्री एकनाथ शिंदे हे रामदास कदम यांच्यावरील नाराज असल्याचे वृत्त समोर येत आहे.
मुंबईच्या पश्चिम उपनगरातील अनेक शिवसेना पदाधिका-यांनी रामदास कदम आणि त्यांचा मुलगा सिद्धेश कदम यांच्याविरोधात मुख्यमंत्र्यांकडे तक्रार केली आहे. त्यामुळं कदम यांच्याविषयी पक्षात नाराजी असल्याची चर्चा आहे. या बैठकीत मुख्यमंत्री एकनाथ शिंदे यांच्याशीही प्रतिवाद केल्याने पक्षातील वरिष्ठ नेते कदमांवर नाराज असल्याचेही म्हटले जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.