Dr. Shrikant Shinde: खासदार डॉ.श्रीकांत शिंदे यांनी केलेल्या पाठपुराव्याने मुख्यमंत्री एकनाथ शिंदे यांनी या दोन वर्षात उल्हासनगरातील विकासकामांसाठी शेकडो कोटींचा निधी दिलेला आहे.शिवसेनेने महानगरपालिकेत धडक देऊन या निधीतील सद्यस्थितीतील विकासकामांचा लेखाजोखा मागितला.

शिवसेनेचे शिष्टमंडळ येताच आयुक्त डॉ.अझिझ शेख यांच्या आदेशनव्ये अतिरिक्त आयुक्त किशोर गवस यांच्या अध्यक्षतेखाली बैठकीचे आयोजन करण्यात आले होते.खासदार डॉ.श्रीकांत शिंदे यांच्या सूचनेनुसार राजेंद्र चौधरी,दिलीप गायकवाड,नाना बागुल,कलवंतसिंह सोहता,स्वप्नील बागुल,बाळा श्रीखंडे,सुरेश सोनवणे या बैठकीला उपस्थित होते.

तेंव्हा शासनाकडून प्राप्त झालेल्या निधीच्या विकास कामांची सद्यस्थिती काय आहे व किती कामे पूर्ण झाली आहेत तसेच कोणत्या कामाच्या वर्क ऑर्डर दिल्यात.

तसेच हिंदुहृदयसम्राट बाळासाहेब ठाकरे क्रीडासंकुलाचे काम कुठपर्यंत आले.एमएमआरडीएचे रस्ते वाहतुकीसाठी कधी खुले करणार,खड्डे कधी भरणार आदी विकासकामांचा लेखाजोखा शिवसेनेच्या शिष्टमंडळाने मागितला.त्यावर 15 दिवसात सद्यस्थितीतील सर्व विकासकामांची माहिती घेऊन आणि पुन्हा बैठकीचे आयोजन करून लेखाजोखा सादर करणार असे आश्वासन अतिरिक्त आयुक्त किशोर गवस यांनी दिल्याची माहिती राजेंद्र चौधरी यांनी दिली.

या बैठकीला सार्वजनिक बांधकाम विभागाचे शहर अभियंता तरुण शेवकानी,पाणी पुरवठ्याचे अभियंता परमेश्वर बुडगे,उपअभियंता दीपक ढोले,उद्यान अधीक्षक दीप्ती पवार,सार्वजनिक बांधकाम विभागाचे अश्विनी आहुजा,शरद प्रधान आदी उपस्थित होते.