मुंबई : रुग्ण दगावण्याचे प्रमाण कमी झाले आहे. आज 04 रुग्णांचा मृत्यू (corona deaths) झाला. एकूण रुग्णांचा आकडा 16,658 वर पोचला आहे. आज 43,925 चाचण्या करण्यात आल्या असून आतापर्यंत 1,55,11,336 चाचण्या (corona test) करण्यात आल्या आहेत. सक्रिय सीलबंद इमारतींची संख्या केवळ 03 आहे. मुंबईतील आज 643 नवे कोरोना रुग्ण (corona new patients) सापडले.

मुंबईतील पॉझिटिव्हीटी दर 1.90 टक्क्यावरून 1.46 टक्क्या पर्यंत खाली आला. आज सापडलेल्या रुग्णांपैकी 553 (86 टक्के) रुग्ण लक्षणे विरहित आहेत. नवीन रुग्णांपैकी 92 रुग्णांना रुग्णालयात दाखल करण्यात आले. मुंबईतील पॉझिटिव्ह रुग्णांचा एकूण आकडा 10,50,837 लाखांच्या पार झाला आहे.

कोरोना रुग्णवाढीचा दर 0.10 टक्के पर्यंत आहे. तर रुग्ण दुपटीचा दर ही 666 दिवसांपर्यंत वाढला आहे. मुंबईत सक्रिय रुग्णांचा आकडा 7,367 इतका आहे. आज 1,402 रुग्ण कोरोनातून बरे झाले असून आतापर्यंत 10,24,991 रुग्ण कोरोनामुक्त झाले आहेत. बरे होण्याचा दर 97 टक्क्यांवर पोचला आहे.

आज सापडलेल्या बाधित रुग्णांपैकी 18 रुग्णांना ऑक्सिजन बेडवर दाखल करण्यात आले असून आतापर्यंत 657 रुग्णांना ऑक्सिजन बेड वर उपचारासाठी दाखल करण्यात आले आहे.मुंबईतील पॉझिटिव्ह रुग्णांपैकी 7,36,274 रुग्ण लक्षणे विरहित आहेत. एकूण उपलब्ध रुग्णशय्यांपैकी 4.1 टक्के रुग्णशय्या भरल्या आहेत.