मुंबई ता.२२ :  राज्यातील सार्वजनिक आरोग्यव्यवस्थे अंतर्गत कोरोनाकाळात इंटर्नशिप करणाऱ्या डॉक्टरांना विशेष भत्ता देण्याचे निश्चित झाले आहे. या आधी मुंबई पुण्यातील डॉक्टरांना विशेष भत्ता देण्याचा निर्णय झाला होता. मात्र आता मुंबई पुण्याप्रमाणेच राज्यातील सर्वच इंटर्नशीप करणार्‍या डॉक्टरांना कोविड काळातील सेवेसाठी अतिरिक्त भत्ता देण्यात येईल, असे निर्देश उपमुख्यमंत्री अजित पवार यांनी आज दिले. माजी मुख्यमंत्री आणि विधानसभेतील विरोधी पक्षनेते देवेंद्र फडणवीस यांनी यासाठी पाठपुरावा केला होता. आज त्यासाठी झालेल्या आभासी  बैठकीत फडणवीस हे त्यांच्या निवासस्थानाहून सहभागी झाले होते.

महत्त्वाची बातमी : कोरोनाबाबत अत्यंत महत्त्वाचं विधान, "अँटीबॉडीज म्हणजे कोविड-19 चा इम्युनिटी पासपोर्ट नाही"

यासंदर्भातील सूचना डिसेंबर अधिवेशनात विनियोजन विधेयकाच्या वेळी देवेंद्र फडणवीस यांनी विधानसभेत दिली होती आणि त्यानुषंगाने आज ही बैठक झाली.

मुंबई आणि पुण्यातील इंटर्नशीप करणार्‍या डॉक्टरांना ३९,००० रूपये आणि ३० हजार रूपये अनुक्रमे याप्रमाणे विशेष भत्ता दिला जात होता. मात्र अन्य शहरांमध्ये तो केवळ ११ हजार रूपये इतकाच होता. देवेंद्र फडणवीस यांनी या बैठकीत सांगितले की, कोरोनाच्या काळात राज्यातील सर्वच जिल्ह्यात डॉक्टर्स आपले योगदान देत आहेत. त्यामुळे केवळ मुंबई, पुण्याला एक न्याय आणि अन्य जिल्ह्यांना दुसरा असे करता येणार नाही. त्यामुळे सर्वच जिल्ह्यांसाठी एकच निकष लावण्यात यावा.

मुंबई परिसरातील बातम्या वाचण्यासाठी येथे क्लिक करा। Marathi News From Mumbai

देवेंद्र फडणवीस यांची ही मागणी अजित पवार यांनी तत्काळ मान्य केली आणि वित्त विभागाने प्रतिकूल अभिप्राय दिला असला तरी आपण त्यावर आदेश जारी करू, असे आश्वासन त्यांनी दिले.

special allowances to intern doctors devendra fadanavis approved by ajit pawar