सरळगांव (ठाणे) : कोकण विभाग पत्रकार संघटनेच्या प्रयत्नाने अक्षयतृतीयेचा मूहुर्त साधत मुरबाड ते एस एम बी टी (धामणगाव) हाॅस्पीटल असी प्रवासी बस सूरू केल्याने या ठिकाणी जाणाऱ्या शेकडो रूग्णांनी या संघटनेचे मानले आभार. पहिल्याच दिवशी मोठ्या संख्येने रूणांनी या बस फेरीचा फायदा घेतल्याने मुरबाड आगार प्रमुख मालचे यांनी आभार मानले.

आर्थिक परीस्थिती कशीही असली तरी आजारी पडल्यावर उपचारासाठी डाॅक्टरांकडे धाव घ्यावी लागते. मोठ्या आजारासाठी कल्याण, ठाणे किंवा मुंबई येथे जावे लागते. या ठिकाणी उपचार घेणे सर्वसाधारण रूग्णांना शक्य होत नसल्याने अनेक रूग्ण अंगावरच आजार काढताना दिसून येतात. मात्र रूग्णासाठी मोफत उपचार घोटी जवळ असलेल्या एस एम बी टी (धामणगांव) हाॅस्पीटल मध्ये होत असल्याने व उत्तम सुविधा मिळत असल्याने मुरबाड व शहापुर तालुक्यातून शेकडो रूग्ण या ठिकाणी जाऊन उपचार घेत आहेत. मात्र या रूग्णांना मोठी तारेवरची कसरत करून चार तासानंतर या ठिकाणी पोहोचण्यास वेळ जात असल्याने रूग्णांना वेळीच पोहचवण्यासाठी मुरबाड आगारातून मुरबाड - एस एम बी टी हाॅस्पीटल असी प्रवासी बस सूरू करावी अशी मागणी कोकण विभाग पत्रकार संघटनेच्या वतीने आमदार किसन कथोरे व मुरबाड आगार प्रमुख मालचे यांच्याकडे एका लेखी निवेदनात मार्फत केली होती.

या मागणीचा पाठपुरावा मुरबाड तालुक्याचे अध्यक्ष मंगल डोंगरे व त्याचे संघटनेचे सहकारी यांनी पाठपुरावा करून बुधवार 18 एप्रिल रोजी मुरबाड नगर पंचायतीचे नगराध्यक्ष मोहन सासे व उपनगराध्यक्ष नारायण गोंधळी यांच्या हस्ते श्रीफळ वाढवून या फेरीला सुरवात झाली. या वेळी लियाकत शेख कोकण विभाग पत्रकार संघटनेचे संस्थापक अध्यक्ष संजय हंडोरे, पालघर- ठाणे विभागाचे अध्यक्ष जगन गायकर, ठाणे जिल्हा अध्यक्ष नंदकिशोर मलबारी मुंबई प्रमुख रवि देशमुख, विश्वस्त सुधिर पोतदार आगरव्यवस्थापक सतीश मालचे, स्थानक प्रमुख पुतळा, चालक आर आर शेख, वाहाक एन बी शिंगोळे आदि उपस्थीत होते. ही बस सूरू व्हावी म्हणून सचिन पोतदार, अनंत घागस, शेळके, केंबारी, भरत दळवी व संघटनेचे सर्व सदश्य यांनी विशेष मेहनत घेतली.ही बस सकाळी मुरबाड आगारातून 7.15 वाजता सुटणार आहे. मुरबाड- सरळगाव- किन्हवली व शहापुर मार्ग धांमणगाव असा प्रवास करणार आहे.