डोंबिवली - खंबाळपाडा ठाकुर्ली परिसरात असलेल्या कॉलेज विद्यार्थ्यांना सोयीस्कर ठरेल अशा डोंबिवली ते मॉडेल कॉलेज या बसची सुरवात राज्यमंत्री रविंद्र चव्हाण यांच्या हस्ते गुरुवारी करण्यात आली.
स्थानिक नगरसेवक स्वर्गीय शिवाजी शेलार यांची महाविद्यालयीन विद्यार्थ्यांसाठी बससेवा सुरुकरण्याचे अपूर्ण स्वप्न नगरसेवक साई शेलार यांच्या सततच्या प्रयत्नाने गुरुवारी त्यांच्या जयंतीचे औचित्यसाधून बस सेवा सुरु कररून पूर्ण करण्यात आले. यावेळी परिवहन समिती सभापती सुभाष म्हस्के, माजी नगरसेविका शिल्पा शेलार, जिल्हा सरचिटणीस शशिकांत कांबळे, डोंबिवली शहर अध्यक्ष संजीव बिरवाडकर, नगरसेवक मुकुंद पेंडणेकर, निलेश म्हात्रे, विनोद काळण, काँग्रेसचे गंगाराम शेलार, यासह भाजपाचे शहर उपाध्यक्ष राजू शेख, महिला शहर अध्यक्षा पूनम पाटील, वर्षा परमार, मॉडेल महाविद्यालयाचे चेअरमन प्रदीप नायर आदी मान्यवर उपस्थिती होते.
प्राचार्या अनुराधा काणे यांनी ही बस सेवा सुरु झाल्याने विद्यार्थ्यांनीच्या सुरक्षततेचा प्रश्न सुटला असल्याचे सांगितले. याचबरोबर मंजुनाथ महाविद्यालयात नगरसेवक साई शेलार आणि रोटरी क्लब ऑफ डोंबिवली क्राऊन सिटी यांच्या संयुक्त विद्यमाने मोफत आयुर्वेदिक रोग निदान शिबिर भरविण्यात आले होते. या शिबिरात नाडी परीक्षण, बि. एम. आय. तपासणी, व्यायाम विषयी सल्ला, शरीर प्रकृती निदान, रक्तदाब तपासणी, मधुमेह तपासणी, प्लस ओस्कीमीटर, इसीजी तपासण्या करण्यात आल्या परिसरातील रहिवाशांनी या शिबीराचा फायदा घेतला.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.