खालापूर : भांडणाऱ्या दोघांना समज देण्याचा प्रयत्न करणाऱ्या पोलिसाच्या डोक्यात दगड (stone hit on police) आणि सिमेंटचा पत्रा मारून त्याला जखमी केले. याप्रकरणी (two culprit arrested) दोघांना अटक करण्यात आली. खोपोली पोलिस ठाण्यात (Khalapur police station) कार्यरत सोमनाथ तांदळे हे मंगळवारी न्यायालयातील खटल्याबाबत समन्स बजावणी करण्याकरिता मुकुंदनगर, भानवज खोपोली येथे गेले होते.

त्या ठिकाणी धनराज सुरेश जंबगी आणि रामराज सुरेश जंबगी हे भांडण करून एकमेकांना शिवीगाळ करत होते. यावेळी तांदळे यांनी दोघांनी भांडण थांबवावे, असे सांगितले; परंतु भांडण करणाऱ्या रामराज आणि धनराज यांनी तांदळे यांच्यावर हल्ला केला.

रामराज याने सिमेंटचा पत्रा, तर धनराज याने दगड डोक्यात मारून तांदळे यांना जखमी केले. तांदळे यांच्याकडील शासकीय कागदपत्रे फाडून त्यांना शिवीगाळ केली. या घटनेबाबत खोपोली पोलिस ठाण्यात गुन्हा दाखल करण्यात आला आहे.