मुंबई : टी२० विश्वचषक विजेत्या टीम इंडियाची मुंबईमध्ये विजयी मिरवणूक निघाली. या गर्दीत जवळपास १० जण जखमी झाले आहेत. यातील ८ जण जवळच्या जीटी रुग्णालयात दाखल झाले आहेत, तर २ नायर रुग्णालयात दाखल झाले आहेत .

गर्दी मुळे चेंगराचेंगरी होऊन नागरिक किरकोळ जखमी झाले आहेत. जखमी सर्व स्थिर असून कोणालाही गंभीर दुखापत झाली नसल्याचे जीटी रुग्णालयाचे डॉक्टर जितेंद्र सकपाळ यांनी सांगितले.

तर कामा रुग्णालयाचे वैद्यकीय अधीक्षक डॉ. तुषार पालवे यांनी दिलेल्या माहितीनुसार एक गर्भवती महिला आमच्या आपत्कालीन विभागात दाखल झाली आहे. ती चेंगराचेंगरी मध्ये पडल्याने तिला त्रास झाला असून तिच्यावर तात्काळ उपचार केले जात आहेत.