मुंबई- ठाणे शहरात कोरोना रुग्णांची संख्यावाढ अद्याप कायम आहे. ठाणे महापालिका क्षेत्रात आतापर्यंत कोरोनाचे एकूण ११ हजार ७०५ रुग्ण आढळले आहेत.  जिल्ह्यात कोरोनाबाधितांचा वाढता पाहून प्रशासनाची डोकेदुखी अधिकच वाढली आहे. ठाणे महापालिका क्षेत्रामध्ये करोना विषाणूचा संसर्ग दिवसेंदिवस वाढत असून शहरात दररोज तीनशे ते चारशे रुग्ण आढळून येत आहेत. 

त्यापैकी ५ हजार ३० रुग्णांवर उपचार सुरू आहेत तर उर्वरित ६ हजार २४५ रुग्ण बरे होऊन घरी गेले आहेत, तर आतापर्यंत ४३० रुग्णांचा मृत्यू झाला आहे. 

दरम्यान आतापर्यंत आढळलेल्या एकूण रुग्णांमधील ४० टक्के रुग्ण हे ३१ ते ५० वयोगटातील आहेत. तर ५० वर्ष वयापेक्षा पुढील ३७ टक्के रुग्ण आहेत.  एकूण रुग्ण संख्येमध्ये पुरुष रुग्णांची संख्या सर्वाधिक आहे, तर शहरात आतापर्यंत चारशेहून अधिक रुग्णांचा मृत्यू झाला असून त्यात ५० वयोगटाच्या पुढील २८९ रुग्णांचा समावेश आहे.

अधिक वाचाः ठाणे मृतदेह अदलाबदली प्रकरणी मोठी कारवाई, आयुक्तांची दिलगिरी

शहरात आढळून आलेल्या एकूण रुग्णांचे वयोगटानुसार महापालिका प्रशासनानं हे  विश्लेषण केलं आहे. या विश्लेषणानुसार कोरोनाची लागण होण्यामध्ये पुरुषांची संख्या सर्वाधिक असल्याचे दिसून येत आहे.

ठाणे जिल्ह्यातील वयोगटानुसार रुग्णसंख्या

thane municipal corporation covid 19 patient age group