मुंबई: चोर पोलिसांची चिंता कधी आणि कशाप्रकारे वाढवतील काहीच सांगता येत नाही. मुंबईत कोरोनाचा प्रादुर्भाव कमी होत नाहीये. त्यातच आता चक्क एका चोराला कोरोनाची लागण झाल्याचा प्रकार समोर आला आहे. त्यामुळे पोलिसांची आणि कोर्टाच्या स्टाफची चिंता चांगलीच वाढली आहे.
गोरेगाव पश्चिमच्या बांगूरनगर पोलिस स्टेशनमध्ये ठेवण्यात आलेल्या एका चोराला कोरोनाची लागण झाली आहे. त्यामुळे इथले पोलिस कर्मचारी आणि कोर्टाचे २ कर्मचारी अशा २४ जणांना क्वारंटाईन करण्यात आलं आहे. २२ वर्षांच्या या चोराला बांगूरनगर पोलिसांनी चोरीच्या गुन्ह्यात अटक केली होती.
या चोराला कोर्टात हजार करण्यासाठी एक दिवस पोलिस कोठडीत ठेवण्यात आलं होतं. त्यानंतर त्याला न्यायालयीन कोठडीत ठेवण्यासाठी तळोजा जेलमध्ये आणण्यात आलं. मात्र त्याची कोरोनाची टेस्ट झाली नसल्यामुळे तिथल्या अधिकाऱ्यांनी त्याला आत घेण्यास नकार दिला. त्यानंतर कारणात आलेल्या कोरोना टेस्टमध्ये हा चोर कोरोना पॉझिटिव्ह आढळला. त्यामुळे त्याच्या संपर्कात आलेल्या पोलिस अधिकाऱ्यांना आणि कोर्टाच्या काही कर्मचाऱ्यांना क्वारंटाईन करण्यात आलं आहे.
पोलिसांची चिंता वाढवणारी गोष्ट म्हणजे या चोरांचे अजून २ साथीदार होते, जे या चोरीत त्याच्यासोबत सामील होते. ते दोघंही पळून गेले आहेत. त्यांना हि कोरोनाची लागण झाल्याची शक्यता आहे. त्यामुळे पोलिस या दोघांचाही युद्धपातळीवर शोध घेत आहेत. या पळून गेलेल्या चोरांमुळे इतर नागरिकांना कोरोनाचा धोका आहे.
एकूणच या चोरांनी पोलिसांची आणि मुंबईच्या प्रशासनाची चिंता अधिकच वाढवली आहे. त्यामुळे तळोजा जेलमध्ये येणाऱ्या सर्व कैद्यांची कोरोनाची टेस्ट करणं अनिवार्य करण्यात आलं आहे.
thief detected corona positive 24 police officials and court staff is now under quarantine
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.